تدري إني أبيك .. وتتغلى..
ياويلك .... من الله ..
ما ترحم حالتي ..
ولا همك لهفتي ..
روحتي .. وجيتي ..
يازين دخيلك ..
فيني خاف الله ..
* * *
حارمني من كل شيء ... حتى الكلام
تسهر عيوني .. وانته .. تنام ..
تسليني .. جروحي شعر
تغنيني .. آلامي .. لحن ..
تسافربي أشواقي ... مية عام
وحارمني من كل شيء حتى ..الكلام
* * *
تشوف ضعفي .. وبقساوتك تزيد
أجيلك رضا .. وانته براسك عنيد
حرارة الشوق فيني ..
اذوب صخر .. تصهر حديد
وانت بكل برود تناظرني .. من بعيد
ولا همك ..
ولا شغل تفكيرك ..
سواد السهر في عيني ..
صوتي المبحوح .. نوح ..
ونزف الألم ... وأنيني ..
وتدري إني أبيك .. وتتغلى ..
ياويلك من الله
* * *
ضاق فيني الفضا ..
ياحبيبي ..
وش بقى ..
جيتك وروحي بكفي ..
جيتك نبض ..
جيتك دمع ..
جيتك تعب ..
وكل هذا وما يكفي ..
حطيت عمري في طريق أقدارك ..
بعت الناس وسكنت دارك ..
قبل ما تحكي ..
أقبل أنا ..... أعذارك ..
وكل هذا مايكفي ..
عافتني روحي وراحتلك ..
وكل ذره فيني إشتاقتلك ..
وكل هذا ما يكفي ..
وتدري إني أبيك .. وتتغلى
ياويلك من الله